Ju uroj mirëseardhjen në «Dajti Ekspres» !
Ajo që për mua dhe shumë të tjerë ka qenë një ëndërr, tashmë që prej korrikut të vitit 2005, është një realitet.

Ndihem i lumtur që ky investim i kompanisë që une drejtoj, krijoi një mundësi për shqiptarët dhe vizitorët e huaj, që të ngjiten drejt pikës turistike të malit te Dajtit.

Ndërtimi i teleferikut i ka dhënë një dimension të ri jo vetëm lidhjes dhe komunikimit, por edhe jetës qytetare.

Ky investim serioz dhe me teknologjinë më të arrirë, krijon kushte dhe mundësi të reja, që mali dhe perla natyrore e Dajtit të jetë nën këmbët tona, pa harxhuar energji apo kohë. Vërtet që ndihem mire, sepse jam pjesë e kenaqësisë që teleferiku ju dhuron njerëzve.

Në vetvete ky investim është një simbol i shkurtimit të largësive.

Edhe nje herë ju uroj dhe ju mirëpres, duke ju siguruar të gjitha kushtet, që kënaqësia të mos ju mungojë. Me Dajti Ekspres do te keni mundesi të bëheni dëshmitarë të një fluturimi të rrallë në jeten tuaj, aty ku toka takon qiellin.